Учурунда иште, эс ал, ойно, укта, бирок бир саат да бекер, себепсиз кетпесин

· Өмүрлүк, жылдык, айлык, күндүк, сааттык максат, милдет менен жашап үйрөн.

· Баардык ишти өз учурунда жаса. Аткара албасаң, ордун кечиктирбей толтурууга аракет кыл.

· Баардык учурда иштериңди убакыт менен кошо пландап, ошол убакытта аткарууга аракет кыл. Эгер аткара албасаң, себебин үйрөн, катаңды түзөтүп үйрөн.

· Учурунда иште, эс ал, ойно, укта, бирок бир саат да бекер, себепсиз кетпесин.

· Бир жумуштан чарчаганыңда, башка түрдүү иш аткарып эс алсаң да болот. Анткени, адам көбүнчө иштен эмес, бир түрдүүлүктөн чарчайт.

· Тууган, досуңдун да сенин убактыңды артыкча бекер, ашыкча алуусуна жол бербе.

· Ар күнкү аткарган жана аткара албаган ишиң жөнүндө өзүңө өзүң жооп бер.

· Улуу иштерди бүткөрө алган адамдардын өмүрүн, убакытты пайдалана билүүсүн окуп, сурап үйрөн, өз өмүрүңдө пайдалана бил.

· Бир ишти өз убактыңда бүткөрө албасаң, башка ишти мөөнөтүнөн илгери бүтүрүп, убакыттан озо бил.

· Ар кыл ишти рационалдуу, өз убагында аткаруунун жаңы жолун, методун үйрөнүп, пайдалан. 

Булак: "Азия Ньюс" гезити