Жогорку Кеңештин депутаты Улан Бакасов Кыргызстанда бачабаздарды хирургиялык жол менен бычууну сунуштады.Бул тууралуу депутат бүгүн, 24-январда парламенттин Конституциялык мыйзамдар, мамлекеттик түзүлүш, сот-укуктук маселелер боюнча комитетинде билдирди.
Депутаттын сунушуна ылайык,
жашы жете электердин жыныстык кол тийбестигине каршы кылмыш жасагандыгы үчүн соттолгондор психиатрдын текшерүүсүнөн өтүшү керек, педофилияга жакындыгын, бычуу зарылчылыгын дарыгерлер аныкташат,
мындай экспертиза соттолгон киши бошотулганга чейин алты айдан кечиктирилбестен өткөрүлүшү керек.
Бакасов ошондой эле балдарга зомбулук көрсөткөндөр үчүн жазаны катаалдатып, 20 жылга чейин же өмүр бою эркинен ажыратууну сунуштоодо.
Тармактык комитет мыйзам долбоорун биринчи окууда колдоду.
Пикирлер (0)
Пикир жок. Сиз биринчилерден болушуңуз мүмкүн