Улуттук фтизиатрия борборунун директору Мадамин Каратаев кызматынан бошотулду

Саламаттык сактоо министрлигине караштуу Улуттук фтизиатрия борборунун директору Мадамин Каратаев ээлеген кызматынан бошотулду.

Министрлер кабинетинин басма сөз кызматы билдиргендей, чечим «КР министрлер кабинети жөнүндө» КР конституциялык мыйзамынын 18-беренесине, «Мамлекеттик жарандык кызмат жана муниципалдык кызмат жөнүндө» КР мыйзамынын 37-беренесинин 1-бөлүгүнүн 6-пунктуна ылайык кабыл алынды.

Тийиштүү чечимге КР министрлер кабинетинин төрагасы Акылбек Жапаров кол койгон.