Унаасы менен дайынсыз жоголгон Кайрат табылды

ИИМдин Криминалдык милиция кызматынын кызматкерлери дайынсыз жоголгон Жумабек уулу  Кайратты табышты. Бул тууралуу ИИМдин басма сөз кызматы билдирди. 

Маалыматка караганда, буга чейин 1990-жылы туулган Жумабек уулу Кайрат 4-сентябрь күнү болжол менен саат 20:00 чамасында Ысык-Көл районунун Сары-Ой айылындагы үйүнөн “Тойота-Камри” үлгүсүндөгү  унаасын айдап чыгып кеткен бойдон дайынсыз экендиги маалымдалган. 

5-сентябрь күнү Ысык-Көл РИИБдин тергөө кызматы сотко чейинки өндүрүштү баштаган. 8-сентябрь күнү ИИМдин Криминалдык милиция кызматынын издөө бөлүмүнүн кызматкерлери тарабынан жүргүзүлгөн ыкчам-иликтөө иш-чараларынын жүрүшундө  Жумабек уулу  Кайраттын кайда жүргөндүгү аныкталган. 

Ал Бишкек шаарынын аймагында жүргөн. Азыркы учурда Жумабек уулу  Кайрат автоунаасы менен бирге жакындарына тапшырылды.