Бүгүн, 16-февралда Парламенттин Конституциялык мыйзамдар, мамлекеттик түзүлүш комитети Алмазбек Бейшеналиевдин билим берүү жана илим министри кызматына талапкерлигин жактырды.
Талапкерлигин кароо учурунда депутат Дастан Жумабеков эмне себептен министрликтен кетип, кайра келгенин сурады. Эл өкүлү "элчи болуш үчүн гана кызматтан кеттиңиз беле?" деп кызыкты.
"Буга чейин министр болуп алты ай иштегем. Президенттин чечиминин негизинде Швейцарияга элчи болуп дайындалдым. Мен бул кызматка кетүүнү суранган эмесмин, өлкө башчынын саясаты ушундай болгон. Президент кайра чакырды, ошондуктан келдим. Эч кандай жеке маселе жок", — деди Бейшеналиев.
Эске салсак, Алмазбек Бейшеналиев 2020- жылдын жай айларында Кыргызстандын БУУдагы жана башка эл аралык уюмдардагы өкүлү, Швейцариядагы элчиси болуп дайындалган.
Пикирлер (0)
Пикир жок. Сиз биринчилерден болушуңуз мүмкүн