Кемпир-Абад суу сактагычынын суусун биргелешип башкаруу тууралуу кыргыз-өзбек өкмөттөр аралык макулдашуусунун долбоорун Жогорку Кеңештин Эл аралык иштер, коргоо, коопсуздук жана миграция комитети 31-октябрда көпчүлүк добуш менен жактырды.
Долбоор комитетте жабык каралды. Документти комитеттин жыйынына Айыл чарба министрлиги алып келди. Долбоорду жабык кароого комитеттин он мүчөсүнүн үчөө каршы болгон. Алар Адахан Мадумаров, Чыңгыз Айдарбеков жана Нуржигит Кадырбеков.
Депутат Чолпон Султанбекова кыргыз-өзбек чек арасын ратификациялоо Жогорку Кеңештин жалпы жыйынында ачык карала тургандыгын кошумчалады.
Пикирлер (0)
Пикир жок. Сиз биринчилерден болушуңуз мүмкүн