Коргоо министринин орун басары Алмазбек Карасартов ЖККУнун "Рубеж-2021" машыгуусуна даярдыктарды текшерди. Бул тууралуу министрликтин басма сөз кызматы билдирди.
2021-жылдын 11-августунда Кыргыз Республикасынын Коргоо министринин орун басары полковник Алмазбек Карасартов ЖККУ Борбор-Азия аймагында тез жайылтуу жамааттык күчтөрүнүн бөлүкчөлөрү менен болуучу “Рубеж-2021” машыгуусуна болгон даярдыктардын жүрүшү менен таанышуу максатында 20636 аскер бөлүгүндө болду. Аталган машыгуу Кыргыз Республикасынын аймагында үстүбүздөгү жылдын сентябрь айында өтөт.
Полковник А. Карасартовдун иш-сапарында күжүрмөн-кызматтык ишмердүүлүүк жана ар тараптуу камсыздоо боюнча машыгууну уюштуруучу кызмат адамдарын угуп, башкаруу пунктунун жайгаштыруу ордуларын, окуу-машыгуу обьектилеринин базасын карап чыгып, тиешелүү тапшырмаларды койду.
Пикирлер (0)
Пикир жок. Сиз биринчилерден болушуңуз мүмкүн