Жалал-Абадда темир заводдо жарылуу болуп, үч адам оор жаракат алды

Жалал-Абад шаарындагы заводдо жарылуу болуп, үч адам оор жаракат алды. Бул тууралуу ӨКМ билдирди.

Маалыматка караганда, Индустриальный көчөсүндө жайгашкан темир заводдун аймагында темир эритүүчү меш жарылган.

Окуянын кесепетинен 1991-жылкы Б.А., 1993-жылкы К.С. жана 1996-жылкы А.А. жабыркаган. Аларды куткаруучулар келгенге чейин эле Тез жардам кызматы алып кетип, жандандыруу бөлүмүнө жаткырылган.

Жалал-Абад облустук биргелешкен ооруканасынан билдиргендей, төрт киши алгачкы медициналык жардам алып, ооруканадан чыгып кеткен. Ал эми үч адамдын денелеринин 90 пайызы күйүп калган.