Электр энергиясына болгон жаңы тариф 1-сентябрда ишке кириши мүмкүн. Бул тууралуу Энергетика министрлигинин өкүлү Миргүл Айдарова билдирди.
Анын айтымында, жаңы тариф боюнча төлөө 1-сентябрдан башталат.
"Азыркы учурда бир аз кечигип калдык. Биз документалдык иш-чараларды жүргүзүшүбүз керек. Жаңы жобо Юстиция министрлигинде катталат. Эгерде долбоордун коомдук талкуусу 15-июлда аяктаса, аны өкмөттүн бекитүүсүнө сунуштоо үчүн толук бир ай убакыт керек. Андан кийин, 15-августтарда министрлер кабинетинен жарлык күтөбүз. 1-сентябрдан тарта жаңы тариф менен иштей баштоону пландап жатабыз",- деди Айдарова.
Пикирлер (1)