Жети-Өгүздө чыккан ири өрт толугу менен өчүрүлдү

Жети-Өгүздө эмерек цехи жана эки дүкөндөн чыккан өрт толук өчүрүлдү. Бул тууралуу Өзгөчө кырдаалдар министрлигинен билдиришти.

Маалыматка ылайык, 6-октябрда Жети-Өгүз районунун Кызыл-Суу айылындагы ири өрттү өчүрүүдө 5 бөлүм иштеп, саат 12:00дө толугу менен өчүрүлдү.

2 соода түйүнү жана эмерек жасоочу жайы күйүп, болжол менен тилсиз жоо 1900 м² аянтты кучагына алган.

Бактыга жараша тилсиз жоодон жабыркагандар жок. Учурда өрт кырсыгынын келип чыгуу себептери такталууда.