Жети-Өгүздө мал кайтарганы жайлоого кетип дайынсыз болуп жаткан жаран табылды

Жети-Өгүздө май кайтарганы жайлоого кетип дайынсыз болуп жаткан жаран табылды. Бул тууралуу Өзгөчө кырдаалдар министрлигинин маалымат кызматы билдирет

Жети-Өгүз районуна караштуу Кызыл-Суу айылынын 50 жаштагы Ж.К. аттуу тургуну 3-июнда жайлоого мал караганы кеткен боюнча кабары жок болгон. 

Ал Ак-Шыйрак айыл аймагына тиешелүү Эмеген, Кайнар, Үзөңгү-Кууш кыштоосунда байланыш болбогондуктан кабар бере алган эмес. 

Мындан улам райондук ӨКБнын 2 куткаруучусу жана Ак-Шыйрак, Кара-Сай айыл аймактарынын башчылары издөөгө чыгышкан. Издөөнүн жыйынтыгында жогоруда аталган жарандын унаасы Семен ашуусунда калың жааган карга автоунаасы тыгылып, чыга албай калган.

Куткаруучулар унаасын ашуудан чыгарышып, чогуу кайтып келишкен.