2023-жылдын август айынын жыйынтыгы боюнча Кыргызстандын дүң эл аралык резерви 2 миллиард 537,21 миллион долларды түздү. Бул тууралуу Улуттук банктын сайтында маалымдалды.
Акыркы айда дүң эл аралык резервдер 8,07 миллион долларга көбөйдү. 2022-жылдын августуна салыштырмалуу алар 30,61 миллион долларга, ал эми жыл башынан бери 260,88 миллион долларга азайган. Запастардын эң жогорку деңгээли 2021-жылдын сентябрында болгон – 3 миллиард 241,14 миллион доллар.
Улуттук банк валюта рыногундагы кескин өзгөрүүлөрдү текшилөө үчүн резервдерди колдонот. Жыл башынан бери Улуттук банк долларды сатуу боюнча жалпысынан 536 миллион долларга он интервенция жасады.
Пикирлер (0)
Пикир жок. Сиз биринчилерден болушуңуз мүмкүн