Бүгүн, 14-октябрда "Ала-Арча" резиденциясында өтүп жаткан Жогорку Кеңештин кезексиз жыйынында депутаттар Садыр Жапаров башында турган өкмөттүн курамын, түзүмүн жана программасын бекитти.
Жыйынга 83 депутат катышты, мындан тышкары 8 депутаттын ишеним каты бар. Депутаттар алгач 10-октябрда парламент тарабынан кабыл алынган токтом долбоорун жокко чыгарууга добуш беришти.
Садыр Жапаров өкмөттүн жаңы курамын сунуштады. Аны депутаттар бир добуштан колдоп беришти.
Буга чейин депутаттар 10-октябрда парламенттин кезексиз жыйынында Садыр Жапаровду премьер-министрлик кызматка бекитип беришкен. Кийинчерээк кээ бир эл өкүлдөрү жыйында кворум болбогондугун жана премьер-министрдин бекитилиши мыйзамсыз болгонун айтып чыгышкан.
Пикирлер (0)
Пикир жок. Сиз биринчилерден болушуңуз мүмкүн