Жогорку Кеңеш камакка алынган саясатчы жана активисттер тууралуу маалымат угат

Бүгүн, 26-октябрда Жогорку Кеңештин депутаты Адахан Мадумаров 23-октябрда кармалган саясатчы жана активисттер тууралуу маалымат угууну сунуштады.

"Өкмөт суранып жатат, президент айтып жатат" деген негиз менен маанилүү-маанисиз көп эле маселелерди кезексиз карап жүрөбүз. 23 адам камалды, алардын артында 23 үй-бүлө турат. Эл аралык уюмдар кабатырланып, билдирүү кылып жатат. Биз түбүндө туруп, карабай, унчукпай койгонубуз таптакыр туура эмес", - деди Мадумаров.

Ал эми депутат Фархат Исмаилов депутат Мадумаровду пиар кылып жатат деп айыптады.

 Натыйжада жапырт камоолор боюнча күч түзүмдөрүнүн маалыматы бүгүн, 26-октябрда угууну чечишти.