Жогорку Кеңештин жаңы чакырылышы качан алгачкы жыйынга чогулары азырынча белгисиз

Жогорку Кеңештин алтынчы чакырылышы мындан ары жалпы жыйынга чогулбайт. Бул тууралуу парламенттин басма сөз кызматы билдирди.

Алтынчы чакырылыштын жыйынтыктоочу жыйыны 22-декабрда өттү. 6-чакырылыш эми сессияны салтанаттуу жабуу аземине гана чогулат.

Маалыматка ылайык, парламенттин жетинчи чакырылышынын биринчи сессиясы качан болору азырынча белгисиз.

«БШК мандаттарды тапшыра баштаары менен биринчи жыйын өткөрүлөт», - деп билдирди ЖКнын басма сөз кызматы.