Өлкөдө журналисттер жана блогерлер үчүн сынак өтөт

Журналисттер жана блогерлер үчүн "Кыргызстандагы медиация" аталышындагы блиц-сынак өтөт.

Сынак Юстиция министрлиги жана Улуттук медиация борбору тарабынан уюштурулуп, Кыргызстандагы медиация тууралуу маалыматтык материал даярдоого багытталган.

Шарттары:

• материал сөзсүз түрдө социалдык тармактарда, ЖМКларда, ТВ-да же YouTube-да (#MEDIATOR_MINJUST хештег менен) жарыялануусу зарыл;
• формат: макала, пост, маек, репортаж, видео, рилс же мультфильм;
• жарыяланган материалдын шилтемеси, сынактын катышуучусунун байланыш маалыматы менен кошо 2025-жылдын 15-августу саат 17:00гө чейин [email protected] электрондук дарегине жөнөтүлүшү керек.

Тема боюнча сунуштар:

1. Медиациянын практикалык мисалдары: үй-бүлөлүк талаш-тартыштарда, мектеп жана эмгек жамааттарында, бизнес чөйрөсүндө же жамааттар арасындагы чыр-чатактарды жөнгө салууда колдонуу тажрыйбалары.
2. Медиация — коомдук байланыштарды чыңдоо, чыр-чатактарды деңгээлин төмөндөтүү жана укуктук маданиятты өнүктүрүү куралы катары үй-бүлө, коом жана мамлекет үчүн мааниси.
3. Кыргызстанда медиатор болуунун жол-жобосу — адистерди даярдоо тартиби, талаптар, билим берүү программалары.
4. Медиаторлорду лицензиялоо жана алардын жоопкерчилиги — кесиптик стандарттар, медиатордун укуктук макамы жана ишмердүүлүгүнө карата талаптар.
5. Медиация тууралуу мыйзам долбоору — бул багыттагы өнүктүрүү демилгелери жана медиация институтунун туруктуулугун камсыз кылуучу укуктук база.
6. Кыргыз менталитетиндеги медиациянын кабыл алынышынын өзгөчөлүктөрү — диалогго болгон ишеним, ортомчу катары кадыр-барктуу адамдардын орду, талаш-тартыштарды чечүүдөгү маданий факторлор.
7. Медиация — универсалдуу көндүм катары: анын негизги билимдери жана принциптери күнүмдүк жашоодо, кесиптик чөйрөдө жана конструктивдүү коммуникацияда кандайча пайдалуу болот?

Сынактын жыйынтыгы менен үч жеңүүчүгө Ысык-Көлдө эс алууга жолдомо берилет.

Маалымат үчүн байланыш телефондору: WhatsApp / Telegram: +996 555 271 717