Баткенде конфликт эмес, кадимкидей согуш болду. Мындай пикирин өкмөттүн Баткен облусу боюнча мурдагы ыйгарым укуктуу өкүлү Өмүрбек Суваналиев "Азаттыкка" берген маегинде билдирди.
Анын айтымында, Баткендеги окуянын алдын алуу үчүн ал колунан келген аракетти жасаган.
"Биз 28-апрель күнү эле чыңалуу байкалып турганда Согди облусунун жетекчиси менен сүйлөшкөнбүз. Бирок тажиктердин акими келишимге макул болбой элди дүрбөтүп конфликт чыгарып жиберди. Эртеси күнү эки тарап дагы чек арага кошумча күчтөрдү тартты. Алар вертолет менен оор куралдар менен аткылады. Биз тарап да танкалар менен жооп берди. Бул жерде эч кандай конфликт эмес, кадимкидей согуш болду.
Ал эми тажиктердин Лейлек районунан басып кириши бул анык эле агрессия болду. Анткени ал жакта баары тынч болчу. Келишпестик Төрт-Көчөдө гана байкалган",- деди Суваналиев.
Пикирлер (1)