"Ишеним" жана "Ынтымак" фракциялары Баткенде жыйын өткөрөт

«Ынтымак» жана «Ишеним» фракциялары биргелешкен көчмө жыйынын Баткен облусунда өткөрөт. Бул тууралуу Жогорку Кеңештин Басма сөз кызматы билдирди.

 Маалыматка ылайык, фракциялардын жыйыны 5-февралда Баткен облусунда өтөт.

Отурумдун күн тартиби:

1. «Кыргыз Республикасынын Баткен облусунун статусу жөнүндө» Кыргыз Республикасынын мыйзамынын аткарылышы.

Баяндамачы: Президенттин Баткен облусундагы ыйгарым укуктуу өкүлү Алимбаев Абдикарим Карбекович.

Чакырылгандар: Финансы министрлиги, Экономика жана коммерция министрлиги, Өзгөчө кырдаалдар министрлиги, Эмгек, социалдык өнүктүрүү жана миграция министрлиги, Транспорт жана коммуникациялар министрлиги, Коргоо министрлиги, Архитектура, курулуш жана турак жай-коммуналдык чарба мамлекеттик агенттиги. 

2. Тажикстан Республикасы менен чек арада 2021-жылдын апрелинде болуп өткөн аскердик кагылышуунун кесепеттерин жоюу боюнча калыбына келтирүү жумуштарынын жүрүшү жана андан аркы эскалацияга жол бербөө.

Баяндамачы: Президенттин Баткен облусундагы ыйгарым укуктуу өкүлү Алимбаев Абдикарим Карбекович.

Чакырылгандар: Финансы министрлиги, Экономика жана коммерция министрлиги, Өзгөчө кырдаалдар министрлиги, Эмгек, социалдык өнүктүрүү жана миграция министрлиги, Транспорт жана коммуникациялар министрлиги, Коргоо министрлиги, УКМК, Архитектура, курулуш жана турак жай-коммуналдык чарба мамлекеттик агенттиги. 

3. Тажикстан Республикасы менен чектеш аймактардагы кырдаал.

Баяндамачылар: Президенттин Баткен облусундагы ыйгарым укуктуу өкүлү Алимбаев Абдикарим Карбекович; УКМКнын өкүлү. 

4. Ош облусунун Ноокат райондагы капиталдык ремонтко муктаж айрым автожолдорго байланыштуу маалымат. 

Баяндамачы: Транспорт жана коммуникациялар министрлиги.

5. Бишкек – Исфана - Бишкек каттамы боюнча түз авиабайланыштар.

Баяндамачы: Транспорт жана коммуникациялар министрлиги.