"Омикронго" каршы жаңы вакцина ойлоп табылды

BioNTech жана Pfizer "омикронго" каршы жаңы вакцина чыгарды. Бул тууралуу Республикалык штабдан билдиришти.

Компаниялардын жаңы өндүрүмдөрү Европада SARS-CoV-2 вирусун жугузуу санынын өсүшүнө алып келип жаткан "омикрондун" BA.4 жана BA.5. варианттарына каршы натыйжалуулук көрсөтүшкөн.

BioNTech немис фармацевтикалык компаниясы жана анын америкалык өнөктөшү Pfizer SARS-CoV-2 коронавируска каршы эки вакцинаны ийгиликтүү изилдешкенин билдиришкен, алар "омикрондун" - BA.4 жана BA.5 варианттары менен күрөшүүгө жөндөмдүү.

Эки дармектин натыйжалуулугун курагы 56 жаштан өйдө 1234 адамдын катышуусундагы клиникалык изилдөөлөрдүн жүрүшүндө сынашкан. Эки вакцина тең азыркы дармекке караганда "омикрондун" BA.1 вариантына "кыйла жогорку иммундук жооп" көрсөткөн.

Июндун башында Роберт Кох атындагы (RKI) немис институту "омикрондун" BA.5 вариантынын жаңы мутацияларын жуктуруу учурларынын саны өскөнүн билдирген. Дүйнөлүк саламаттыкты сактоо уюму (ДССУ) аны "тынчсыздануу үчүн себеп" катары атады.

Июндун ортосунан тарта Францияда да илдетке чалдыккандардын саны ыкчам өсүүдө. "Франциядагы кыйыр пандемия экспоненциалдык мүнөзгө ээ", - деп эскертти Женева университетинин Медициналык мектебинин алдындагы Глобалдык саламаттыкты сактоо институтунун эпидемиологу жана башчысы Антуан Флао. Анын айтымында, жаңы толкунду "омикрондун" BA.4 жана BA.5 варианттары чакырууда.

Оорунун жумалык көрсөткүчү 100 000 жашоочуга кайрадан 400дөн ашкан Германиянын бийлиги өсүштү сактануу чараларын алып салуу менен да түшүндүрүшөт. "Бул жолку жайкы толкунга биз санаасыз жана көзөмөл чараларсыз туруштук бере турган учур эмес", - деп билдирди ГФРнын саламаттык сактоо министри Карл Лаутербах (Karl Lauterbach).

Эмдөө – өзүңүздү жана жакындарыңызды COVID-19дан коргоонун эң ишенимдүү жана эң натыйжалуу жолу.