"Ош базарынын" жанындагы дүкөндөн өрт чыкты

"Ош базарынын" жанындагы дүкөндөн өрт чыкты. Бул тууралуу ӨКМнын басма сөз кызматы билдирди.

10-ноябрь күнү Ленин районунун Бейшеналиева жана Киев көчөлөрүнүн кесилишинде жайгашкан дүкөндөн өрт чыккандыгы тууралуу маалымат түшкөн.

Жерине ӨКМнин бир өрт өчүрүүчү бөлүмү, ыкчам бөлүмү жана куткаруу кызматынан 5 куткаруучу тартылган.

Өрттүн кесепетинен аянты 200 чарчы метр соода дүкөнү, ичиндеги азык-түлүк жана кийим-кечелери күйгөн.

Өрттүн келип чыгуу себеби такталууда.  

Өрт саат 22:26 чектөөгө алынып толук 00:02 өчүрүлдү.