Өзгөндө жеңил унаа сайга кулап кетип 2 адам каза болду

Өзгөндө жеңил унаа сайга кулап кетип 2 адам каза болду. Бул тууралуу ӨКМнын басма сөз кызматы билдирди.

29-ноябрь күнү Өзгөн районунун Чечебай айылында Daewoo-Tico  үлгүсүндөгү унаа сайга түшүп кеткендиги туралуу маалымат түшкөн.

"Кырсыктын кесепетинен 2 эркек киши каза болуп, 2 эркек киши ар кандай жаракат алышкан, учурда аты-жөндөрү такталууда. Жабыркаган жарандар тез жардам кызматы менен ооруканага жеткирилген, ал эми каза болгон жарандардын жансыз денелерин туугандары алып кеткен",- деп айтылат билдирүүдө.

Куткаруучулар унааны сайдан чыгарышкан.

Жерине ӨКМдин 4 куткаруучусу тартылган.