Кыргызстандык спортчу Роман Петров Токиодо өтө турчу Олимпиада оюндарына лицензия жеңип алды. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.
Билдирүүдө айтылгандай, 25-апрелде фехтование боюнча Кыргызстандын курама командасынын мүчөсү Роман Петров Ташкент шаарында өткөн квалификациялык мелдешинде катышты.
Спортчу 1-орунду ээлеп, Токиодо өтө турчу XXXII жайкы Олимпиада оюндарына лицензия утуп алды.
Эскерте кетсек, буга чейин Олимпиада оюндарына Атабек Азисбеков, Жоламан Шаршенбеков, Акжол Махмудов жана Үзүр Жусупбеков (грек-рим күрөшү), Эрназар Акматалиев (эркин күрөш), Айсулуу Тыныбекова, Айпери Медет кызы, Мээрим Жуманазарова (кыз-келиндер күрөшү), Дарья Маслова, Юлия Андреева жана Мария Коробицкая (жеңил атлетика), Денис Петрашов (сууда сүзүү) лицензия алган.
Пикирлер (0)
Пикир жок. Сиз биринчилерден болушуңуз мүмкүн