Кыргызстанда бычактан жаракат алган Индиядан келген студент каза болду

Кант шаарында бычакталган чет элдик студент ооруканада көз жумду. Бул тууралуу 24.кг агенттигине Улуттук хирургиялык борбордон билдирген.

Маалым болгондой, 23 жаштагы Индиянын жараны алган жаракатынан улам көз жумган.

«Жабырлануучу аймактык ооруканага 27-апрелде таңкы саат 4:20да түшкөн. Ага дароо операция жасалды. Диагнозу ашказан аркылуу ичке сайылган жаракат болуп чыккан. Эртеси эртең менен ага бир литр кан берилди. Анын абалы турукташып, 28-апрелде Улуттук хирургиялык борборго которулган. Ал 30-апрелде көз жумган», - деп билдиришти борбордон.