Кримтөбөл Камчы Көлбаевдин абактан бошотулушу туура болгон жок. Ал аягына чейин абакта отурушу керек болчу, деп билдирди укук коргоочу, мурдагы акыйкатчы Турсунбек Акун бүгүн, 3-мартта “Медиа центр” мультимедиалык-маалымат агенттигине комментарий берип.
Ал белгилегендей, крим чөйрөдө жүргөндөр жөнөкөй жарандардын мал-мүлкүн, акчасын тартып алат, коркутуп-үркүтөт, укугун тебелейт же башка кысымдарды көрсөтөт. Мындай “мыйзамдагы ууру” атыккан адамдар сөзсүз жазаларын алышы керек.
“К.Көлбаевди жасаган кылмышына
ылайык күнөөсүн далилдеп, анан кармаш керек эле. Камалдыбы? Демек, аны соттоп, аягына
чейин жазага тартуу шарт болчу. Эми болсо үй камагына чыгарып салды. Анда
күнөөсү далилденген жок. Демек, бийлик жакшы иш алып барган жок деген ой
калтырат”, - деди мурдагы акыйкатчы.
Ошондой эле, ал АКШнын Кыргызстандагы Элчилиги Көлбаевдин абактан бошотулушуна тынчсызданган бирдирүү таратканы туура эмес, деген оюн айтты.
“Бул АКШнын Кыргызстандын ички
саясатына одоно кийлигишүү болуп саналат. Андай болсо эмне үчүн Матраимов
камалганда комментарий берген жок?”, - деп кошумчалады Т.Акун.
Тема боюнча: УКМК Камчы Көлбаевдин бошотулушу боюнча түшүндүрмө берди
Пикирлер (1)