Бишкекте тапанчаны мыйзамсыз алып жүрүп, жол эрежесин одоно бузган жаран кармалды. Бул тууралуу Бишкек шаарынын Ички иштер башкы башкармалыгынын басма сөз кызматы билдирди.
Маалыматка караганда, 3-декабрда Instagram социалдык тармагында белгисиз жигиттин түз эфирге чыккан видео тасмасы тараган. Анда унаада отурган жигит тапанча кармап алып “Патрулдук милиция чыкса, атып сал” деп айткан.
Шаардык милициянын кайгуул-күзөт кызматынын кызматкерлери аталган факт боюнча 1995-жылы туулган О.Н. аттуу жаранды кармап, Бишкек шаарынын Биринчи Май РИИБинин тергөө кызматына жеткирген.
Бул факты боюнча Кыргыз Республикасынын Кылмыш-жаза кодексинин 253-беренеси (Курал-жарак, ок-дарылардын мыйзамсыз жүгүртүлүшү) боюнча сотко чейинки өндүрүш башталды.
Пикирлер (0)
Пикир жок. Сиз биринчилерден болушуңуз мүмкүн